ஆகுஆறு அளவுஇட்டிது ஆயினும் கேடுஇல்லை
போகுஆறு அகலாக் கடை. – குறள்: 478
– அதிகாரம்: வலி அறிதல், பால்: பொருள்
கலைஞர் உரை
எல்லை கடந்த செலவு இல்லாமல் இருக்குமேயானால் வரவு, குறைவாக இருப்பதால் கேடு எதுவும் விளைவதில்லை.
ஞா. தேவநேயப் பாவாணர் உரை
அரசர்க்குப் பொருள் வருவாயின் அளவு சிறிதாயினும் ; செல்வாயின் அளவு அதினும் மிகாதவிடத்து ; கெடுதல் இல்லை . .
மு. வரதராசனார் உரை
பொருள் வரும் வழி (வருவாய்) சிறியதாக இருந்தாலும், போகும் வழி (செலவு) விரிவுபடாவிட்டால் அதனால் தீங்கு இல்லை.
G.U. Pope’s Translation
Incomings may be scant; but yet, no failure there, If in expenditure you rightly learn to spare.
– Thirukkural: 478,The Knowledge of Power, Wealth