அந்தணர் நூற்கும் அறத்திற்கும் ஆதியாய்
நின்றது மன்னவன் கோல். – குறள்: 543
– அதிகாரம்: செங்கோன்மை, பால்: பொருள்
கலைஞர் உரை
ஓர் அரசின் செங்கோன்மைதான் அறவோர் நூல்களுக்கும் அறவழிச்
செயல்களுக்கும் அடிப்படையாக அமையும்.
ஞா. தேவநேயப் பாவாணர் உரை
ஐயரும் பார்ப்பாருமான இருவகைத் தமிழ் அந்தணரும் இயற்றிய பல்துறை நூல்கட்கும் மக்களின் அறவொழுக்கத்திற்கும் அடிமணையாயிருப்பது ; அரசனின் செங்கோலே.
மு. வரதராசனார் உரை
அந்தணர் போற்றும் மறைநூலுக்கும் அறத்திற்கும் அடிப்படையாய் நின்று உலகத்தைக் காப்பது அரசனுடைய செங்கோலாகும்.
G.U. Pope’s Translation
Learning and virtue of the sages spring,
From all – controlling sceptre of the king.
– Thirukkural: 543, The Right Sceptre, Wealth