அறிவுஅற்றம் காக்கும் கருவி செறுவார்க்கும்
உள்அழிக்கல் ஆகா அரண். – குறள்: 421
– அதிகாரம்: அறிவுடைமை, பால்: பொருள்
கலைஞர் உரை
பகையால் அழிவு வாராமல் பாதுகாக்கும் அரண், அறிவு ஒன்றுதான்.
ஞா. தேவநேயப் பாவாணர் உரை
நிலவுலகில் வாழ்வார்க்கு, சிறப்பாக ஆள்வார்க்கு, அறிவானது அழிவு வராமற்காக்குங் கருவியாம்; அதுவுமன்றிப் பகைவராலும் அழிக்கமுடியாத உள்ளரணாம்.
மு. வரதராசனார் உரை
அறிவு, அழிவு வராமல் காக்கும் கருவியாகும்; அன்றியும் பகைகொண்டு எதிர்ப்பவர்க்கும் அழிக்க முடியாத உள்ளரணும் ஆகும்
G.U. Pope’s Translation
True wisdom wards off woes,
A circling fortress high;
Its inner strength man’s eager foes,
Un’shaken will defy.
– Thirukkural: 421, The Possession of Knowledge, Wealth