அருள்செல்வம் செல்வத்துள் செல்வம் பொருள்செல்வம்
பூரியார் கண்ணும் உள. – குறள்: 241
– அதிகாரம்: அருள் உடைமை, பால்: அறம்
கலைஞர் உரை
கொடிய உள்ளம் கொண்ட இழிமக்களிடம் கூடக் கோடிக்கணக்கில்
செல்வம் குவிந்திருக்கலாம்; ஆனாலும் அந்தச் செல்வம் அருட்
செல்வத்துக்கு ஈடாகாது.
ஞா. தேவநேயப் பாவாணர் உரை
செல்வங்களெல்லாவற்றுள்ளும் சிறந்தது அருளாகிய செல்வமே; மற்றப் பொருளாகிய செல்வங்கள் கீழ் மக்களிடத்திலும் உள்ளன.
மு. வரதராசனார் உரை
பொருள்களாகிய செல்வங்கள் இழிந்தவரிடத்திலும் உள்ளன; (உயர்ந்தவரிடத்தில் மட்டும் உள்ள) அருளாகிய செல்வமே செல்வங்களில் சிறந்த செல்வமாகும்.
G.U. Pope’s Translation
Wealth ‘mid wealth is wealth ‘kindliness;
Wealth of goods the vilest too posses.
– Thirukkural: 241, The Possession of Benevolence, Virtues