அற்றம் மறைக்கும் பெருமை சிறுமைதான்
குற்றமே கூறி விடும். – குறள்: 980
– அதிகாரம்: பெருமை, பால்: பொருள்.
கலைஞர் உரை
பிறருடைய குறைகளை மறைப்பது பெருமைப் பண்பாகும். பிறருடைய குற்றங்களையே கூறிக் கொண்டிருப்பது சிறுமைக் குணமாகும்.
.
ஞா. தேவநேயப் பாவாணர் உரை
பெருமையுடையார் பிறர் மானச் செய்திகளையே கூறி அவமானச் செய்திகளை மறைத்து விடுவர்; மற்றச் சிறுமை யுடை யாரோ பிறர் குணத்தையெல்லாம் மறைத்துக் குற்றங்களையே கூறிவிடுவர்.
மு. வரதராசனார் உரை
பெருமைப்பண்பு பிறருடைய குறைபாட்டை மறைக்கும்; சிறுமையோ பிறருடைய குற்றத்தையே எடுத்துச் சொல்லிவிடும்.
G.U. Pope’s Translation
Greatness will hide a neighbour’s shame;
Meanness his faults to all the world proclaim.
– Thirukkural: 980, Greatness, Wealth.