கருமத்தால் நாணுதல் நாணு திருநுதல்
நல்லவர் நாணுப் பிற. – குறள்: 1011
– அதிகாரம்: நாணுடைமை, பால்: பொருள்
கலைஞர் உரை
ஒருவர் தமது தகாத நடத்தையின் காரணமாக நாணுவதற்கும், நல்ல
பெண்களுக்கு இயல்பாக ஏற்படும் நாணத்துக்கும் மிகுந்த வேறுபாடு உண்டு.
ஞா. தேவநேயப் பாவாணர் உரை
நன்மக்கள் நாணுவது தீய வினைகள் செய்ய வெட்கிப் பின் வாங்குதல்; அஃதன்றித் தனித்து வெளிச் செல்லுதல் , அறியாத ஆடவரொடு உரையாடல், ஆடவருள்ள அவையிற் பேசுதல் முதலிய பிறவற்றிற்கு வெட்கப் படுதலும் கூச்சப் படுதலும் , அழகிய நெற்றியையுடைய குலமகளிர்க்கேயுரிய நாண்களாம்.
மு. வரதராசனார் உரை
தகாத செயல் காரணமாக நாணுவதே நாணமாகும்; பெண்களுக்கு இயல்பான மற்ற நாணங்கள் வேறு வகையானவை.
G.U. Pope’s Translation
To shrink abashed from evil deed is ‘generous shame’; Other is that of bright-browed ones of virtuous fame.
– Thirukkural: 1011, Shame, Wealth
Be the first to comment