மனநலத்தின் ஆகும் மறுமைமற்று அஃதும்
இனநலத்தின் ஏமாப்பு உடைத்து. – குறள்: 459
– அதிகாரம்: சிற்றினம் சேராமை, பால்: பொருள்
கலைஞர் உரை
நல்ல உறுதியான உள்ளம் படைத்த உயர்ந்தோராக இருந்தாலும் அவர் சார்ந்த இனத்தின் உறுதியும் அவருக்கு வலிமையான துணையாக அமையக் கூடியதாகும்.
ஞா. தேவநேயப் பாவாணர் உரை
ஒருவனுக்கு மனநன்மையால் மறுமையின்பம் உண்டாகும்: அதுவும் இனநன்மையால் வலியுறுதலையுடையதாம்.
மு. வரதராசனார் உரை
மனத்தின் நன்மையால் மறுமை இன்பம் உண்டாகும்; அதுவும் இனத்தின் நன்மையால் மேலும் சிறப்புடையதாகும்.
G.U. Pope’s Translation
Although to mental goodness joys of other life belong, Yet good companionship is confirmation strong;
– Thirukkural: 459, Avoiding mean Associations, Wealth