முற்றுஆற்றி முற்றி யவரையும் பற்றுஆற்றி
பற்றியார் வெல்வது அரண். – குறள்: 748
– அதிகாரம்:அரண், பால்: பொருள்
கலைஞர் உரை
முற்றகையிடும் வலிமைமிக்க படையை எதிர்த்து, உள்ளேயிருந்து
கொண்டே போர் செய்து வெல்வதற்கு ஏற்ற வகையில் அமைந்ததே அரண் ஆகும்.
ஞா. தேவநேயப் பாவாணர் உரை
படைப்பெருமையால் வளைதல் வல்லவராய் வந்து வளைந்த உழிஞையாரையும்; மதிலரணைப் பற்றிநின்ற நொச்சியார் சிறுபடையினராயினும் தாம் பற்றிய விடத்தைவிட்டு அகலாது நின்று பொருது வெல்வதற்கு இடமானதே;சிறந்த கோட்டையரணாம்.
மு. வரதராசனார் உரை
முற்றுகையிடுவதில் வல்லமை கொண்டு முற்றுகை இட்டவரையும் (உள்ளிருந்தவர் பற்றிய) பற்றை விடாமலிருந்து வெல்வதற்கு உரியது அரண் ஆகும்.
G.U. Pope’s Translation
Howe’er the circling foe may strive access to win, A fort should give the victory to those who guard within.
– Thirukkural: 748, The Fortification, Wealth
Be the first to comment