ஊண்உடை எச்சம் உயிர்க்குஎல்லாம் வேறுஅல்ல
நாண்உடைமை மாந்தர் சிறப்பு. – குறள்: 1012
– அதிகாரம்: நாணுடைமை, பால்: பொருள்
கலைஞர் உரை
உணவு, உடை போன்ற அனைத்தும் எல்லோருக்கும் பொதுவான
தேவைகளாக அமைகின்றன; ஆனால் சிறப்புக்குரிய தேவையாக இருப்பது, பிறரால் பழிக்கப்படும் செயல்களைத் தவிர்த்து வாழும் நாணுடைமைதான்.
ஞா. தேவநேயப் பாவாணர் உரை
உணவும் உடையும் அவை யொழிந்த பிறவும் மக்களுயிர்க் கெல்லாம் பொதுவாக வுரியனவாம்; ஆயின், நாணுடைமையோ நன்மக்கட்கே சிறப்பாக வுரியதாம்.
மு. வரதராசனார் உரை
உணவும் உடையும் எஞ்சி நிற்கும் மற்றவையும் எல்லா உயிர்களுக்கும் பொதுவானவை ; மக்களின் சிறப்பியல்பாக விளங்குவது நாணுடைமையே ஆகும்.
G.U. Pope’s Translation
Food, clothing and other things alike all beings own; By sense of shame the excellence of men is known.
– Thirukkural: 1012, Shame, Wealth
Be the first to comment