ஒத்தது அறிவான் உயிர்வாழ்வான் மற்றையான்
செத்தாருள் வைக்கப் படும். – குறள்: 214
– அதிகாரம்: ஒப்புரவு அறிதல், பால்: அறம்
கலைஞர் உரை
ஒப்புரவை அறிந்து பிறருக்கு உதவியாகத் தன் வாழ்வை அமைத்துக்
கொள்பவனே உயிர்வாழ்பவன் எனக் கருதப்படுவான்; அதற்கு மாறானவன் இறந்தவனே ஆவான்.
ஞா. தேவநேயப் பாவாணர் உரை
ஒப்புரவு செய்வானும்செய்யாதானுமாகிய இருவகைச் செல்வருள், செய்பவனே உயிரோடு கூடி வாழ்பவனாவன்; மற்றச் செய்யாதவன் செத்தாருள் ஒருவனாகக் கருதப்படுவான்.
மு. வரதராசனார் உரை
ஒப்புரவை அறிந்து போற்றிப் பிறர்க்கு உதவியாக வாழ்கின்றவன் உயிர்வாழ்கின்றவன் ஆவான்; மற்றவன் செத்தவருள் சேர்த்துக் கருதப்படுவான்.
G.U. Pope’s Translation
Who knows what’s human life’s befitting grace,
He lives; the rest ‘mongst dead men have their place.
– Thirukkural: 214, The Knowledge of What is Befitting a Man’s Position, Virtues
Be the first to comment