பணியுமாம் என்றும் பெருமை சிறுமை
அணியுமாம் தன்னை வியந்து. – குறள்: 978
– அதிகாரம்: பெருமை, பால்: பொருள்.
கலைஞர் உரை
பண்புடைய பெரியோர் எல்லோரிடமும் எப்பொழுதும் பணிவுடன்
பழகுவார்கள்; பண்பு இல்லாத சிறியோர், தம்மைத் தாமே புகழ்ந்து
கொண்டு இறுமாந்து கிடப்பார்கள்.
.
ஞா. தேவநேயப் பாவாணர் உரை
பெருமை யுடையோர் எக்காலத்துஞ் செருக்கின்றி அடங்கியொழுகுவர்; மற்றச் சிறுமை யுடையோர் எக்காலத்துஞ் தம்மை மெச்சி உயர்வுபடுத்திக் கூறுவர்.
மு. வரதராசனார் உரை
பெருமைப் பண்பு எக்காலத்திலும் பணிந்து நடக்கும்; ஆனால் சிறுமையோ தன்னைத்தானே வியந்து பாராட்டிக் கொள்ளும்
G.U. Pope’s Translation
Greatness humbly bends, but littleness always
Spreads out its plumes, and loads itself with praise.
– Thirukkural: 978, Greatness, Wealth.