செப்பம் உடையவன் ஆக்கம் சிதைவுஇன்றி
எச்சத்திற்கு ஏமாப்பு உடைத்து. – குறள்: 112
– அதிகாரம்: நடுவு நிலைமை, பால்: அறம்
கலைஞர் உரை
நடுவுநிலையாளனின் செல்வத்திற்கு அழிவில்லை; அது, வழிவழித்
தலைமுறையினர்க்கும் பயன் அளிப்பதாகும்.
ஞா. தேவநேயப் பாவாணர் உரை
நடுவுநிலைமை யுடையவனது செல்வம்; பிறர் செல்வம் போல் அழியாது அவன் வழியினர்க்கும் வலிமையாதலை யுடையது. வலிமை-பாதுகாப்பு.
மு. வரதராசனார் உரை
நடுவுநிலைமை உடையவனின் செல்வவளம் அழிவில்லாமல் அவனுடைய வழியிலுள்ளார்க்கும் உறுதியான நன்மை தருவதாகும்.
G.U. Pope’s Translation
The just man’s wealth unwasting shall endure,
And to his race a lasting joy ensure.
– Thirukkural: 112, Impartiality, Virtues