செருக்கும் சினமும் சிறுமையும் இல்லார்
பெருக்கம் பெருமித நீர்த்து. – குறள்: 431
– அதிகாரம்: குற்றம் கடிதல், பால்: பொருள்
கலைஞர் உரை
இறுமாப்பு, ஆத்திரம், இழிவான நடத்தை இவைகள் இல்லாதவர்களுடைய செல்வாக்குதான் மதிக்கத் தக்கதாகும்.
ஞா. தேவநேயப் பாவாணர் உரை
அகங்கரிப்பும் வெகுளியும் கழிகாமமுமாகிய குற்றங்களில்லாத அரசரின் செல்வம்; மேம்பாட்டுத் தன்மையை யுடைத்து.
மு. வரதராசனார் உரை
செருக்கும் சினமும் காமமும் ஆகிய இந்தக் குற்றங்கள் இல்லாதவருடைய வாழ்வில் காணும் பெருக்கம் மேம்பாடு உடையதாகும்.
G.U. Pope’s Translation
Who arrogance, and wrath and littleness of low desire restrain.
To sure increase of lofty dignity attain.
– Thirukkural: 431, The Correction of Faults , Wealth