தம்பொருள் என்பதம் மக்கள்
அவர்பொருள்
தம்தம் வினையால் வரும். – குறள்: 63
– அதிகாரம்: மக்கட்பேறு, பால்: அறம்
கலைஞர் உரை
தம் பொருள் என்பது தம்மக்களையேயாம். அம்மக்களின் பொருள்கள் அவரவர் செயல்களின் விளைவாக வரக் கூடியவை.
ஞா. தேவநேயப் பாவாணர் உரை
தம் மக்கள் தம் பொருள் என்ப – தம் மக்களைத் தம் செல்வமென்று பாராட்டுவர் பெற்றோர்; அவர் பொருள் தம்தம் வினையான் வரும் – அம்மக்களின் மகச்செல்வம் அவரவர் வினைக் கேற்றவாறு வரும்.
மு. வரதராசனார் உரை
தம் மக்களே தம்முடைய பொருள்கள் என்று அறிஞர் கூறுவர்; மக்களாகிய அவர்தம் பொருள்கள் அவரவருடைய வினையின் பயனால் வந்து சேரும்.
G.U. Pope’s Translation
‘Man’s children are his fortune, ‘ say the wise;
From each one’s deeds his varied fortunes rise.
– Thirukkural: 63,The Wealth of Children, Virtues