உதவி வரைத்தன்று உதவி உதவி
செயப்பட்டார் சால்பின் வரைத்து. – குறள்: 105
– அதிகாரம்: செய்ந்நன்றி அறிதல், பால்: அறம்
கலைஞர் உரை
உதவி என்பது, செய்யப்படும் அளவைப் பொறுத்துச்
சிறப்படைவதில்லை; அந்த உதவியைப் பெறுபவரின் பண்பைப் பொறுத்தே அதன் அளவு மதிப்பிடப்படும்.
ஞா. தேவநேயப் பாவாணர் உரை
கைம்மாறான உதவி காரணத்தானும் பொருளானுங் காலத்தானுமாகிய மூவகையானும் முன் செய்த உதவியளவினதன்று ; அதனைச் செய்வித்துக் கொண்டவர்தம் அமைதியளவிற்று.
மு. வரதராசனார் உரை
கைம்மாறாகச் செய்யும் உதவி முன்செய்த உதவியின் அளவை உடையது அன்று; உதவி செய்யப்பட்டவரின் பண்புக்கு ஏற்ற அளவை உடையதாகும்.
G.U. Pope’s Translation
The kindly aid’s extent is of its worth no measure true; It’s worth is as the worth of him to whom the act you do.
– Thirukkural: 105, The Knowledge of Benefits Conferred : Gratitude, Virtues