வசைஒழிய வாழ்வாரே வாழ்வார் இசைஒழிய
வாழ்வாரே வாழாதவர். – குறள்: 240
– அதிகாரம்:புகழ், பால்: அறம்
கலைஞர் உரை
பழி உண்டாகாமல் வாழ்வதே வாழ்க்கை எனப்படும். புகழ் இல்லாதவர் வாழ்வதும் வாழாததும் ஒன்றுதான்.
ஞா. தேவநேயப் பாவாணர் உரை
தமக்குப் பழிப்பில்லாமல் வாழ்பவரே உயிர் வாழ்பவராவர்; இசை ஒழிய புகழின்றி வாழ்பவரே உயிரோடிருந்தும் இறந்தவராவர்.
மு. வரதராசனார் உரை
தாம் வாழும் வாழ்க்கையில் பழி உண்டாகாமல் வாழ்கின்றவரே உயிர் வாழ்கின்றவர்; புகழ் உண்டாகாமல் வாழ்கின்றவரே உயிர் வாழாதவர்.
G.U. Pope’s Translation
Who live without reproach, them living men we deem;
Who live without renown, live not, though living men they seem.
– Thirukkural: 240, Renown, Virtues