வேல்அன்று வென்றி தருவது மன்னவன்
கோல்அதூஉம் கோடாது எனின். – குறள்: 542
– அதிகாரம்: செங்கோன்மை, பால்: பொருள்
கலைஞர் உரை
ஓர் அரசுக்கு வெற்றியைத் தருவது பகைவரை வீழ்த்தும் வேலல்ல;
குடிமக்களை வாழவைக்கும் வளையாத செங்கோல்தான்.
ஞா. தேவநேயப் பாவாணர் உரை
அரசனுக்குப் போரின்கண் வெற்றியைக் கொடுப்பது வேற்படையன்று , அவன் அரசாட்சியே ; அவ்வரசாட்சியும் அங்ஙனஞ் செய்வது அறநெறிதவறாதிருந்த பொழுதே.
மு. வரதராசனார் உரை
ஒருவனுக்கு வெற்றி பெற்றுத் தருவது வேல் அன்று; அரசனுடைய செங்கோலே ஆகும்; அச்செங்கோலும் கோணாதிருக்குமாயின்.
G.U. Pope’s Translation
Not lance gives kings the victory,
But sceptre swayed with equity.
– Thirukkural: 546, The Right Sceptre, Wealth